Zipline & Icelandic Lava show

Zipline & Lava show

Þessi samþætta ferð býður bæði uppá frábæra útivist, í hressandi íslensku veðri og sjóðandi heita hraunsýningu frá sérfræðingunum í að bræða hraun, Icelandic Lava Show, ásamt saðsamri súpu frá Súpufélaginu. Á zipplínunum ferðast þú yfir hrífandi fljót og í gegnum stórbrotið gil. Eftir þessa frábæru upplifun hitar þú þig upp á súpu og 1100°C heitri hraunsýningu, sem við teljum nauðsyn eftir útiveru í íslensku veðri.

Ef þú bókar þessa samþættu ferð færðu 30% afslátt af öllum upplifunum ásamt hádegismatnum, tilvalið fyrir svanga og forvitna ferðalanga. Fullt verð: 21.300 kr. Okkar verð: 14.900 kr.

1/2 dags ævintýri – Zipline & Lava show

Um þessa upplifun

Framboð

Vetur: 1. nóvember – 30. apríl

Lengd

Upplifunin tekur 3,5 – 4 klst.

Innifalið

Allur öryggisbúnaður, skutl að byrjun göngunnar frá bækistöðvum okkar, leiðsögð göngu- og zipplínuferð, súpa að eigin vali og hraunbræðslusýning með sjóðheitri kviku.

Þetta þarftu

Vatnshelda gönguskó með grófum sóla og hlý, vindheld föt. Þumalputtareglan er að klæða sig eftir veðri. Stundum er gott að hafa húfu og vettlinga en oft ekki nauðsynlegt. Sítt hár skal flétta eða setja í lágan snúð.

Hittumst hér

Víkurbratu 5, Vík í Mýrdal (sjá kort). Vinsamlegast mætið 10 – 15 mínútum fyrir áætlaðan brottfarartíma.

Veður

Stundum er nauðsynlegt að breyta annaðhvort brottfarartíma eða ferðinni sjálfri vegna veðurs. Munið eftir að kanna mögulegar breytingar á tölvupósti áður en þið leggið land undir fót til okkar og skiljið eftir símanúmer svo við náum í ykkur með stuttum fyrirvara.
Upphafið
Við hittumst í Norður-Vík. Ef þú mætir snemma ekki hika við að kíkja inn og nýta þér salernisaðstöðuna og þráðlausa netið í setustofunni. Þú getur jafvel gætt þér á bolla af heitu kaffi eða te áður en leiðsögumennirnir okkar koma og hitta þig.

Undirbúningur
Við byrjum á því að fara yfir öll öryggisatriði, klæða alla í viðeigandi öryggisbúnað, smellum hjálm á höfuðin og ökum svo að upphafspunkti ferðarinnar. Ökuferðin tekur ca. 3 mínútur og við taka aðrar ca. 3 mínútur í göngu þar til við komum að fyrstu zipplínunni. Þar förum við yfir helstu öryggisatriði aftur áður en við zippum af stað, einn í einu. Það næsta sem þú veist er að þú ert á fleygiferð yfir gilinu í sælurússi.

Zipplínurnar
Önnur línan okkar byrjar þar sem sú fyrsta endar og því er rétt svo tími til að ná andanum á milli fyrstu tveggja ævintýrana. Eftir hana tekur við ca. 10 mínútna gönguferð um stórbrotna náttúrufegurð Grafargils þar til við komum að því sem við köllum trúarstökkið (Leap of Faith). Að lokum rennum við yfir síðustu línun sem liggur yfri hinn fagra Hundafoss og ef veðrið er gott má enda á stuttri gönguferð eftir gamla þjóðveginum aftur heim á hostel.

Súpufélagið
Það er fátt betra eftir skemmtilega útiveru í íslenskri náttúru en að gæða sér á dýrindis súpu á litla fjölskyldurekna veitingstaðnum í hjarta þorpsins, Súpufélaginu. Hér getur þú valið um ljúffengar og saðsamar súpur. Vanalega stendur valið á milli að minnsta kosti fimm tegunda og bjóða þau alltaf uppá vegan eða grænmetis valkost.
Icelandic Lava show
Eftir nærandi súpu hefst hraunsýningin hjá Icelandic Lava Show. Þetta er eini staðurinn í heiminum þar sem þú getur upplifað, á öruggan hátt, heitt bráðið hraun í miklu návígi. Sýningin endurskapar eldgos, svipað því sem Eyjafjallajökull og Katla eru fræg fyrir, með því að hella bráðnu hrauni (1100°C / 2000°F) inn í sýningarsalinn og yfir ís. Það skapar epískan bardaga á milli frumefnanna og er þetta einstakt tækifæri að vera í svo miklu návígi við rauðglóandi hraun, sjá það renna, heyra það snarka og finna fyrir þeim mikla hita sem stafar af því. Sönn veisla fyrir skynfærin.

ÓSKIR & UNDIRBÚNINGUR

Aldur

Allir verða að vera orðnir 8 ára og forráðamaður þarf að fylgja börnum undir 18 ára aldri.

Þyngd

Þyngdin verður að vera á milli 30 og 120kg. Verið heiðarleg, hér er þyngdin öryggisatriði.

Fætur

Best er að vera í vatnsheldum gönguskóm með grófum sóla. Brautin okkar er oft blaut og sleip.

Úthald

Gott er að geta labbað ca. 3 km. á ójöfnu landslagi, upp- og niður í mót á íslenskum móa.

Lofthræðsla

Láttu leiðsögumennina vita og þeir gera sitt besta í að stappa í þig stálinu, þú getur alltaf hætt við (skilmálar gilda).

Barnshafandi

Það er ekki óhætt að zippa ef þú ert þunguð en komdu endilega aftur þegar þú ert orðin mamma.

Stundvísi

Mættu til okkar ca. 15 mínútum fyrir áætlaðan brottfarartíma. Sýnum tillitsemi og tefjum ekki fyrir öðrum.

Klæðnaður

Klæðumst eftir veðri, hlý, regn- og vindheld föt eru oft góður kostur á Íslandi.

Hárflókar

Sítt hár skal flétta eða segja í lágan snúð svo hjálmurinn passi á höfuðið og hárið flækist ekki í búnaðinum.

Skin og skúrir

Við förum í flesum veðurskilyrðum. Ef við verðum að afbóka ferð vegna veðurs reynum við að færa ferðina ykkar eða endurgreiðum ef það er ekki hægt.

Spurningar?

Ef einhverjar spurningar vakna varðandi zipplínurnar eða svifvængjaflugð, þyngdartakmarkinir eða eitthvað annað, sendu okkur þá endilega línu. Ef tíminn er knappur og alveg að koma að ævintýrinu þínu í Vík er líklega betra að taka upp tólið og hringja í okkur. Sími: +354 698 8890

Tímasetningar

Zipline ævintýri
Byrjar kl.11:00 eða 14:00
Varir í ca. 90 mínútur.

The Soup Company
Before or after the Lava Show, you choose.

Icelandic Lava Show
Showtimes: 1:30 pm. or 5 pm.
Lasts for: ca. 40 minutes.

 

Icelandic Lava Show

Einstök sýning fyrir öll skilningarvit sem þú getur aðeins séð í litla þorpinu okkar á Íslandi, Vík. Ekki missa af þessari upplifun.

Zipline ævintýri

Þú byrjar á þessari stórkostlegu skemmtun. Njóttu, skemmtu þér vel og mundu eftir GÖNGUSKÓNUM!

The Icelandic Lava Show & Súpufélagið

Súpufélagið og Icelandic Lava Show eru staðsett í sama húsnæðinu í hjarta þorpsins og einungis í stuttri göngufjarlægð frá því þar sem zipplínu ævintýrinu lýkur. Ef þú komst ekki akandi og veðrið er eitthvað að stríða okkur, láttu okkur þá endilega vita fyrir brottför og við skutlum þér á staðinn.

Zipline & Lava show

Bókið hér

*Börn verða að vera í fylgd fullorðins

Fullt verð: ISK 21.300

Okkar verð: ISK 14.900

VILTU EITTHVAÐ SÉRSNIÐIÐ? VIÐ GETUM LÁTIÐ ÞAÐ GERAST!

Starfsmannahópar, skólahópar, stórir hópar, smáir hópar, stórfjölskyldan, einkaferð eða hvernig hópur sem er og hvaða þörf sem er þá getum við mögulega aðstoðað. Sendu okkur endilega línu með ykkar óskum.

Gönguskór

Mundu eftir gönguskónum! Íslenskur jarðvegur er oftast blautur og mjúkur. Við göngum eftir kindastígum í landslaginu og mjóum göngustígum, stundum rennur smá lækur yfir gönguleiðina okkar og eftir rigningar og um vetur er leiðin oft blaut og hál. Gönguskór hjálpa til við að halda fótum þurrum og á stígunum.
  •   This is a great family activity (with kids over 8 years old). We were a group of 10; young kids, teenagers and adults and everybody had a blast. The ziplining... read more

    JorunnSig
    6/30/2020
  •   This is the best way to view the scenery , could feel like flight over Iceland
    真的非常推荐,这是南部非常值得的冒险,工作人员非常敬业,非常专业,而且飞索中有小惊喜呦,等你来发现哈哈哈

    QIANALICE
    6/22/2020
  •   Great experience! Perfect entertainment. Just as much fun for an 8 year old and an adult! We had a blast.

    AldisOskFinns
    6/21/2020
  •   Was amazing adventure to try zipline in Iceland, get high level of adrenaline <3 recommend to try this attraction 100% and the team was great, thanks!!!

    agneh2018
    6/16/2020
  •   What word can describe an experience you will never forget?

    My friend and I booked the Paragliding and Zipline on our trip. Without a doubt, it was THE HIGHLIGHT... read more

    mimikruzifix
    6/13/2020