Zipline & Lava show

Zipline & Lava show

Frábært kombó sem sameinar skemmtilega upplifun utandyra og svo dásamlega heita og fræðandi sýningu hjá Lava Show. Fyrst er ferðast um stórfenglegt landslag Grafargils á zipplínum og göngu og þegar því úti ævintýrinu er lokið er komin tími til að ylja sér við sjóðandi heitt hraunflæðið hjá Lava Show.

Þessi pakkaferð veitir 30% afslátt af báðum upplifunum, ef þær eru bókaðar saman. Tilvalið fyrir þá fróðleiksfúsu. Fullt verð: ISK 17.800kr. Okkar verð: ISK 12.460kr. Verð: ISK 17.800kr. Okkar verð: ISK 12.460kr.

1/2 dags ævintýri – Zipline & Lava show

Um Upplifunina

Zipp
Við hittumst að bækistöð okkar. Ef þú mætir snemma ekki hika við að kíkja inn og nýta þér salernisaðstöðuna og þráðlausa netið. Þú getur jafvel gætt þér á bolla af heitu kaffi eða te áður en leiðsögumennirnir okkar koma og hitta þig. Við byrjum á því að fara yfir öll öryggisatriði, klæða alla í viðeigandi öryggisbúnað, smellum hjálm á höfuðin og ökum svo að upphafspunkti ferðarinnar. Ökuferðin tekur ca. 3 mínútur og við taka aðrar ca. 3 mínútur í göngu þar til við komum að fyrstu zipplínunni. Þar förum við yfir helstu öryggisatriði aftur áður en við zippum af stað, einn í einu. Það næsta sem þú veist er að þú ert á fleygiferð yfir gilinu í sælurússi. Önnur línan okkar byrjar þar sem sú fyrsta endar og því er rétt svo tími til að ná andanum á milli fyrstu tveggja ævintýrana. Eftir hana tekur við ca. 10 mínútna gönguferð um stórbrotna náttúrufegurð Grafargils þar til við komum að því sem við köllum trúarstökkið (Leap of Faith). Að lokum rennum við yfir síðustu línun sem liggur yfri hinn fagra Hundafoss og ef veðrið er gott má enda á stuttri gönguferð eftir gamla þjóðveginum aftur heim til Víkur.

Lava show
Eftir æsispennandi zipplínu ævintýri rennum við í hlað hjá Lava Show og losum okkur við öryggisbúnaðinn áður en stigið er inn í sjóðandi heitan salinn hjá Lava Show (sýningartímarnir eru kl.13:30 eða 17:00). Þetta er eini staðurinn í heiminum þar sem þú getur upplifað, á öruggan hátt, heitt bráðið hraun í miklu návígi. Sýningin endurskapar eldgos, svipað því sem Eyjafjallajökull og Katla eru fræg fyrir, með því að hella bráðnu hrauni (1100°C / 2000°F) inn í sýningarsalinn og yfir ís. Það skapar epískan bardaga á milli frumefnanna og er þetta einstakt tækifæri að vera í svo miklu návígi við rauðglóandi hraun, sjá það renna, heyra það snarka og finna fyrir þeim mikla hita sem stafar af því. Sönn veisla fyrir skynfærin.

VILTU EITTHVAÐ SÉRSNIÐIÐ? Starfsmannahópar, skólahópar, stórir hópar, smáir hópar, stórfjölskyldan, einkaferð eða

Starfsmannahópar, skólahópar, stórir hópar, smáir hópar, stórfjölskyldan, einkaferð eða hvernig hópur sem er og hvaða þörf sem er þá getum við mögulega aðstoðað. Sendu okkur endilega línu með ykkar óskum. Hafðu samband

Mundu eftir GÖNGUSKÓNUM! Mundu eftir gönguskónum! Íslensk jörð er oft blaut og mjúk. Við göngum eftir kindastígum í landslaginu og mjóum göngustígum, stundum rennur smá lækur yfir gönguleiðina okkar og eftir rigningar og um vetur er leiðin oft blaut og hál. Gönguskór hjálpa til við að halda fótum þurrum og á stígunum.